සුදු මැණිකේ නුඹෙ සිනාව

 මට ගෙනේවි පෙම් ඉනාව

 හිත අද්දර තනි මකන්න

 නුඹ අැති වෙනකෙකු කුමකට....

 හීන හතක් මැදි කර මම සත් මහලක් තැනූවයි

 සදලුතලේ නුඹත් එක්ක පෙම් අම රස බිව්වයි

 මැදියම් රෑ සඳ එළියෙන් තරු මිණි කැට ගැන්නයි

 සීතලේට තුරුල් වෙලා කව් සී පද ගැයුවයි......

 පුන් පෝයට නුඹත් එක්ක කැළණි වෙහෙර වැන්දයි

 දූ පැටියෙක් ලබා ගන්න දේව වරම් යැද්දයි

 සංසාරෙම එකට ඉන්න පාරමි දම් පිරුවයි

 මතු සසරෙත් මගේ වෙයන් සවනට මිමිණූවයි........

                                                                       චමෝ

පිරිමින් අල්ලේ රේඛා මැකෙන තුරු සුන්දර ගැහැණුන් සොයන අතර ගැහැණුන් හැගීම් වියකෙන තුරු සාර්ථක පිරිමින් සොයයි.... චමෝ

අරුත් සුන් වූ පෙම් කතා

ලියා අැති උන් දහක් අතරේ

සොඳුරු පෙම්වත අපේ හැගුමන්

මියනොදේවි කල්ප ගාණක්....

රාගයෙන් තොර අාදරය නම්

පැතුවෙ නෑ අප බොළද හැගුමන්

දනී නුඹ මා එක්වනා තැන

පුළුන් යහමින් අැවිලෙනා වග.....

කාලයට ඉඩ බාර කරදී

තුටින් උණුහුම වැළද ගත්තා

වෙන්වනා දින කොයිම ලෙසවත්

තුරුණු හැගුමට සාප නොකළා.....

                                               

යදම් බිද විත් නුඹ හෙමින් සැරේ
යහන් තල ගිනි තියා සීරුවට
බලන් හිටියා කිසිත් නොවු ලෙස
සැනෙන් නිම විය වසත් කාලය,
සොවින් බර නුවන් අබියස
දුමින් වලා තිර මවමින
බලන් ඉන්නා අපූරුව,
මිනිස් නොමිනිස් කමක
අරුත් වටහා දුනි මෙමට......
                                        චමෝ

           ඇත්තටම රැග් වුනේ කාගෙන්ද.....?

සින්නෝ රැග් කරයි කියලා බයෙන් ආවට
උන් කරපු ඇති දෙයක් නෑ...
මේක අස්සට එද්දි සමාජෙන් රැග් එක කෑවා
අම්බානකටම....
වැඩිපුර ඇහුන වචන සෙට් එක ටික කාලයක් යද්දි ලස්සනටම Normal වුණා....
Assignment ,Presentation ,Viva,Mid exam
මේක අස්සේ දැනුමෙන් සන්නද්ධ එකාටත් C
දැනුම නැති එකාටත් C
ගොට්ටට , දෙකට නැමිල්ලට A
දැන් මේ මුල්ලකට වෙලා කල්පනා කරනවා
මොකාද බං සිරාවටම මාව රැග් කලේ....?